من قصص الح ب العالمية.....حمد وعطيات

كان حمد قاعد مع أخوياه في
الإستراحة وكانو كل أخوياه متزوجين إلا هو
المهم كل واحدن من أخوياه قاعدن
يستملح عياله .. هذا يقول ( ولدي فهد بدا يحبي ) .
===
طيب بشر أمك .. و الثاني يقول ( ولدي حسام بدا
يقول بابا )
=== ما شا الله .. و الثالث يقول
( بنتي نورة بدت تروح للحمام لحالها )
===
يلعن أم الإنجاز .. من قصص الح ب العالمية.....حمد وعطيات T002

من قصص الح ب العالمية.....حمد وعطيات T002

المهم , وسط هالجوا كان حمد
يرتفع ضغطه .. كلن عنده بزور و حريم إلا هو
.. خاصة و أنه كبر و إلى ألحين ما
أسعفته أموره المادية على الزواج ..
الزبدة وصلت مع حمد H
و عزم يروح لأمه ألحين و يفاتحها
في موضوع الزواج ..
فإستأذن حمد من أخوياه و راح لبيتهم و ما أمداه يدخل على أمه
إلا وهو قايل لها : يمه
أبتزوج
قالت له : تزوج و أحدن رادك
قال : يمه
أبيكم تساعدوني
قالت : ومن وين الله يخلف و أبوك على راتب التقاعد
اللي يطير ثلاث ترباعه على المزرعة و البقر و النخل
قال : يا يمة و الله قهر .. ألحين من أهم أنا و إلا ذا البقر اللي
ماكلن نص راتب أبوي ..
قالت
أمه : و الله و أنا أمك البقر أهم .. على الأقل البقر يجينا منه حليب يسدنا
و يسد الحارة
كلها .. أما أنت ما وراك إلا البلاوي و الطلبات من قصص الح ب العالمية.....حمد وعطيات T002

قال حمد :
يعني هذا رايتس .. منتب مساعديني في الزواج
قالت أمه : و الله يا وليدي
أفرح و الله أشوف بزورك اليوم قبل بكرا ، لكنك أنت اللي تفسفس راتبك
على أمور مالها من السنع
ولا عينة .. لوك تجمع راتبك كان ساعدناك
قال : الله و أكبر ياذا الراتب .. اللي يسمعك يقول أني أتنافس أنا
وبيل قيتس على كثر القروش ..
كلها ثلاث تالاف تطير من
نص الشهر
قالت : أقول أذلف عني ولا تكثر دندرتك .. رفيزك اللي تقول بيل
قيتس من وين جاب قروشه إلا من
تجميعه لهن ( ياشين فلسفة العجز )
.. و بعدين بالعربي أنا ما عندي شي .. ماعندي إلا ذا الرادو
البني تبي تبيعه و تاخذ
فلوسه تزوج بهن ماعندي مانع .. لكن رح كلم أبوك عساه يحن عليك
و يساعدك

أنطلق حمد يدور أبوه
.. و لقاه داخلن في الدولاب حق مجلا المطبخ يصلح ماصورة إنسدت يوم كبت
الشغاله الشاهي في المجلا
.. كان أبوه لابسن فنيلة مشققة و صروال صغير و طاقية ..
و في يده أبو جلنبو .. و ما
تسمع إلا قرقعته .. دخل حمد عليه و قال له : يبه أبيك في موضوع
قاله أبوه وهو منهمك في
شغله : أها وش تبي
قاله حمد : أبيك
في موضوع ضروري
قاله أبوه : و الله ما يجي منك مواضيع ضرورية .. مار
أخلص علي و قلي و أنا أشتغل و إلا أذلف
قل لي الموضوع بعدين
قاله
حمد : يبه ودي أتزوج
قاله أبوه : تزوج و أحدن رادك ..
قاله : أبيك
تساعدني ..
وقف أبوه عن الشغل و طلع من الدولاب ثمن رفع عيونه
لحمد و قال له : و أنت ورا ما تساعد عمرك أول
قاله : يا يبه
ما عندي فلوس تكفي للزواج .. و كل اللي أبيه منك أنك تعتبرني بقرة عندك و
تصرف
علي مثل باقي البقر اللي في مزرعتك . من قصص الح ب العالمية.....حمد وعطيات T002

ما أمدا حمد يرد على أبوه إلا
وأبو جلنبو مسنترن في نص خشته و أبوه يهوش و ينافخ عليه ..

طلع حمد من المطبخ وهو
زعلان بعد ما طلع أبو جلنبو من خشته .. ثمن راح لأمه وقال لها
: أسمعي يا يومة .. لا
تلوموني إذا سويت شي من وراكم .. ترا أنتم السبب
و برضو ما أمدى حمد يقول هالكلمتين
لأمه إلا و الرادو حقها مسنتر في جبهته .. من قصص الح ب العالمية.....حمد وعطيات T074

من قصص الح ب العالمية.....حمد وعطيات T074

طلع حمد الرادو .. ثمن راح لغرفته و
سكر الباب وراه وهو زعلان مرة من أهله ..
أحترا نص ساعة يبي أحد من أهله يجي
يطق عليه الباب و يراضيه زي المصارية ..
لكن ماش محدن جاب خبره .. المهم
قعد حمد يفكر في مستقبله ..
فضاق صدره و أعتمت الدنيا في وجهه و زاد هم على هم ..
يوم حسبها مضبوط و عرف أن
مستقبله مشوت و لا عندك أحد ..
خاصة أنه كبر و مستحيل يتزوج من راتبه إلا بعد
عشرين سنة ..
هذا إذا ما أرتفعت أسعار المهور مع العولمة
المهم ما نطول عليكم , حمد
ما عد صار يطيق نفسه و حس أنه إذا ما سوى .
شي يبي يموت من القهر .. فقال في
نفسه .. ليش ما اسافر لي كم يوم كود همي يخف
و تهدا أعصابي عشان أعرف أتفاهم مع
أهلي و عشان يعرفون أني زعلان عليهم ..
و فعلا حجز حمد تذكره على مصر .. و
من بكرا خذ له إجازه من الدوام ..
ثمن جمع أغراضه و سافر لمصر بدون ما يعلم أهله
عشان يحسسهم أنه زعلان أوي .
((ما أمداه يتأثر بالمصاريه )) . من قصص الح ب العالمية.....حمد وعطيات T002

المهم سافر حمد لمصر .. و ما
أمداه ياصل الفندق إلا وهو داق على أهله ..
ردت عليه أمه وقالت له : حمد !!
وجع وينك فيه تأخرت في الدوام
قال : يمه أنا في مصر ألحين
قالت أمه بعصبيه : اٌقول الله يجعل مصارينك
للتقطع .. وش موديك هناك يالهيس الأربد !! ..
يعني يازوجوني بالحلال و إلا أبطب
بالحرام
قال : يا يمه لا يروح بالك بعيد .. أنا في مصر عشان اهدي
أعصابي كم يوم ..
قالت : أقول الله يجعلك للحمى اللي تزيلك .. ألحين ما
تقدر تهدي أعصابك إلا في مصر . ((الله و أكبر يا حسين فهمي )) . من قصص الح ب العالمية.....حمد وعطيات T002

قال : عاد
هذا اللي صار
قالت : طيب ورا
ما علمتنا يما للحرولة
قال : عشاني زعلان عليكم عق... طوط طوط طوط
صكت أمه التلفون في وجهه .. فزاد حمد هم على
كومة هموم .. ومعد صار يطيق نفسه ..
فطلع من الفندق و ركب أول تكسي و قال له ودني
لمكان ما أحس فيه بالوحده
( منتب سهل يا حمد ) ..
وداه سواق التكسي لخان
الخليلي .. و طبعا بعد ما تهاوش مع حمد ..
خبركم سواقين تكاسي مصر يحبون
الدندرة و حمد ماله خلق أحد ..
المهم تمشى حمد في خان الخليلي .. ويوم تعب
قعد على حدا القهاوي .. وهو يتافف من زود الهم .. ثمن قال لراعي القهوة و
كان شايب : بالله عطنا واحد منقا و واحد معسل ..
قاله الشايب حاطر .. ثمن قال :
يابت يا عطيات .. واحد منأ .. و واحد شيشة وصلحووووو ..
جلس حمد يهوجس و يفكر
بإنتظار الشيشة و المنقا .. و ما حس إلا بصوت ناعم رقيق يقول له :
حطرتك طلبت منأ و معسل ..
إلتفت حمد لراعية الصوت و ما أمداه يشوفها إلا وهو مختبص
و منقلب فوق حدر !! من قصص الح ب العالمية.....حمد وعطيات T002

كانت بنت .. بيضاء و حلوة إلى درجة
الجنون و اللي حلاها أكثر الحجاب اللي لابسته
.. كان
جمالها
جمال طبيعي .. لا مكياج و لا ورنيش و لا ديزل و لا خرابيط الحريم ذي كلها
.. من قصص الح ب العالمية.....حمد وعطيات T002

و كانت لابسة لبس متواضع مثل خشت
أبوها .. مع كذا كانت في قمة الجمال ..
على الأقل في عين حمد ..
عادت البنت السؤال على حمد
اللي كان مسبه في خشتها فقال حمد : أأ .. أأيه .. أيه أنا اللي طلبت
الشاهي و الجراك
ضحكت البنت عليه فبغا حمد
ينسدح و يذوب في نص السوق من ذا الضحكة الرقيقة المحتشمة
.. فقالت له : أنت طلبت منأ
و معسل ..
قال : أيه قصدي منأ و شيشة ..
خذ حمد أنفاس من ذا الشيشة
اللي كانت أطعم شيشة يذوقها مع أن معسل المصارية مهوب زين
.. و زرع عمره في ذا القهوة
يراقب البنية و يشوفها .. و صار على ذا الحالة كل يوم يجي من
صباح الله فيقعد على القهوة
و ينشب عندهم ولا يروح إلا إذا شوتوه ..
وكان يقصد من هذا أنه يطق علاقة مع
أبوها و يعرف كل شي عنهم ..
المهم عرف أن ذولي ناس بسطا و مستورين و أن بنيتهم بكر ما
تزوجت ..
فطلب
يدها من أبوها و بعد مدة وافقوا عليه .. فتزوجها من ورا أهله ..
و لأن الوقت ألحين متأخر
أبكمل القصة بعدين !! تصبحون على خير .